هل تقبل الزواج من فتاه تكتب بالمنتديات؟؟؟

هل تقبل الزواج من فتاة تكتب بالمنتديات...؟؟؟

السلام عليكم ورحمة الله وبركاته

موضوع للنقاش

بصراحة موضوع أذهلني جداً وكنت أفكر في طرحه

ما كنت أعرف أن كتابة البنت في المنتديات

حتى لو كانت كتاباتها محترمة ومفيدة

جريمة يعاقب عليها المجتمع

ماراح اطول عليكم

هذه قضية شفتها في أحد المواقع واستغربت كثيراً عندما قراتها

وحبيت اشوف آرائكم في هذه القضية

جاءت إليها أمها ووجها يتهلل فرحا وقالت :

بنيتي لقد جاء فلان وابنه لخطبتك

ألجم الفرح الفتاة أخرس لسانها ونطقت عيناها ببريق السرور والأمل :

الآن سيتحقق حلمي أبني بيتا من السعادة وأربي جيلاً يكون قطعة ً مني

أربيه على ناظري يكون عونا لي في الدنيا وذخرا لي في الآخرة

لم تنم تلك الليلة فهي لاتحتاج النوم بعد أن تحولت أحلام نومها

الى حقائق تداعب يقضتها...

وافق ابوها على الخطبة وتمت الرؤيه الشرعية

سُرّ بها العريس وسرت به

وابتدأ الجميع يوزعون رقاع الدعوة ليلة الفرح الموعودة

ذهب العريس إلى عمله أخبر بعض أصحابه بأنه سيتزوج ابنة فلان

بارك له الجميع

وفي اليوم التالي قابلهُ أحد زملائه وقال له :

الله الله أنت إذن ستتزوج الكاتبة الفلانيه

التي تكتب في المنتدى الفلاني نظر العريس إلى زميله متعجباً

عن من تتحدث وماهذا الكلام؟؟؟؟؟؟؟

قال : زميله خطيبتك كاتبه في المنتدى الفلاني بالاسم الفلاني ؟
قال : وما أدراك ومن أعلمك ؟

قال : أختي تعرفها وأسرت لها بذلك ؟

وهي تكتب باسم مستعار (( .............))

أتريد أن ندخل الى المنتدى لنشاهد مواضيع خطيبتك ؟

قال : العريس وهو يتصبب عرقاً ولما لا ؟

فتح الزميل المنتدى استخرج بالبحث جميع مواضيعها

ثم بدأ الاثنان في التصفح

فها هي ترد على فلان وتشكر فلان وتتناقش مع فلان

وتضحك من طرفة فلان

وهذا فلان يمدح ما تكتب ويثني على ماتقدم

وهي ترد عليه بالثناء والشكر

احمرَّ وجه الخطيب وخرج من المكتب

واتصل ببيت خطيبته

وقال لامها :

هل تسمحين لي أن أكلم خطيبتي قالت : امها لامانع

أخذت البنت الهاتف

وقلبها يخفق ويداها ترتجفان تخشى من سماع الكلام المعسول

أو أن لاتملك القدرة على الرد وهو يحدثها عن بيت المستقبل؟

لكنه فاجاءها بسؤال واحد :

هل أنتِ الكاتبة الفلانية في المنتدى الفلاني ؟؟؟؟؟؟؟

قالت : نعم أنا هي

قاطع حديثها وقال آسف أنا لا أتزوج فتاة انتر نت

وسكر السماعة

دا انسان فلاح جاهل تعليم مجانى والله انا لو اشوفة اقولة انك متخلف

متشكر لمرورك يامحمد بس سوال
ايه دخل تعليم المجاني في الموضوع؟؟؟

موضوع جميل يامحمد بس من وجهة نظري البنت اللي تقبل انها تقعد علي النت علشان الشات او اي مواقع تانية خلاف المواقع الدينية او غيرها لااقبل الزواج منها وعلي فكرة موقف الراجل دة موقف تمام مش كل من شاف بنت واعجب بموضوعها خلاص بقوا حبايب وازواج فيما بعد

اسف ميدو مانشيستر لااتفق معك ولكن لاتنسي ان البنت صارحته بانها هي هذا من ناحيه ومن ناحية اخري المفروض يحاسبها من بعد معرفته بها ولا ايه رايك

مجرد راي

انا اتفق معاك يادكتور
هي حتي لو بتدخل علي اي منتدي وبتلبس قناع شخصيه تانيه
هتظهر وهيعرفها اكيد بعد الخطوبه

ماشي اننا اتفق معاك يادكتور اسلام انة يحاسبها من بعد معرفتة بها وبعدين البنت اللي تسمح بكدة وتقعد علي منتديات سوري متبقاش تمام
مع احترامي للبنات اللي موجودة علي المنتدي واحترامي لكل الاعضاء دي اراء

تمام ميدو ولكن ماهي وجهت نظرك في ان البنت متبقاش تمام لو قعدت علي المنتديات

يادكتور انا محدد فوق مش كل المنتديات انا محدد المنتديات الاسلامية هي اللي مسموحة بخلاف اي منتديات تانية

مش اي منتدي يا احمد
في بنات كتير بيحطوا مواضيع مفيده جدا
طيب ليه هتحرم البنت تقعد علي الشات وتحللها لنفسك مثلا
تقبل مروري

بص ياسيدي البنت مثلا لما تقعد علي الشات يعني هتسمع ما لا يطاق من اي شاب مثلا ممكن حد يتطاول عليها بالكلام وهي هتتعلم الكلام منة وعينيها تفتح زيادة عن اللززومومش هتعرف ترد علية وتقولة اية
اما بالنسبة للشاب ممكن انة يقدر يرد علية بنفس الطريقة عادي وبعدين انا شايف كدة من وجهة نظري ولكم مطلق الحرية ووجهات نظر اخري من حقي احترامها
وبعدين انتم كلكم عليا ولا اية؟ هههههههههههههههه
مشكور ياوليد
تقبل مروري

نهاية الموضوع ميدو انك كدة بتلغى مشاركة البنات فى اى منتدى ودة كلام غلط لازم الرأى والرأى الاخر وزى ما فى بنات مش محترمة فى بنات فى قمة الاحترام والزوق واكيد احنا مشفناش حد ضايق بنت على المنتدى ولو دة حصل الادارة بتتخذ موقف فورى ضدة يكاد ينتهى بألغاء العضوية تقبل مرورى ميدو واشكرك على موضوعك

زائر

سوري استاذ ميدو ان مش معاك ان البنت الي تشترك في منتدي لازم تكون مش كويسه ومش شرط الي تشترك في منتدي اسلامي هي دي الي تبقي كويسه ممكن يكون في المنتدي الاسلامي اشخاص سئه للغايه ويكلموها علي انهم بنات وتشوف فيه العجب الي عايزه اقوله ان لما تشترك البنت في المنتدي ويبقي اصلا المنتدي مش كويس اكيد هتاخد حاجات مش كويسه منه وتقدر مش تفتحه بعد كدا عادي لاكن في منتديات كويسه جدا ولما هي بتشترك بتفيد وتستفيد لاكن بقي الي تدخل تاخد ايميلات الاعضاء وتتكلم معاهم تبقي حاجه تانيه وهي الي عايزه كدا .وفي الاخر البنت الي كويسه من الاول كويسه في كل حته وفي اي مكان اما الي مش كويسه مش محتاجه تتكلم شات اوتتدخل منتديات عشان تبقي مش كويسه هي اصلا من الاول اخلاقها مش كويسه وحتي لوحد ضايقها في المنتدي العادي يعني تقدر تصده بكل سهوله لاكن بقي الي عايزه كدا هتتقبل لان هيا كدا اصلا واخلاقها سمحلها بكده.انا مش بدافع عن نفسي ولا عن الاعضاء علي فكره لاكن دا راي وارجو انك تتقبله وكل الاعضاء كمان يتقبلوه بصدر رحب .وعلي العموم كلها وجهات نظر.اسفه علي الاطاله

حابايبنا
موضوع جميل
بس انا شايف ان الانسان ده تسرع في اتخاذ القرار كان المفروض يسمع وجهة نظرها وبعدين يشوف الراي الصحيح فين
لكن ينهي العلاقه لمجرد انها كاتبه بعض المواضيع ع المنتدي
مينفعش ياخد القرار من وجهة نظره وبس كان لابد من سماع الراي الاخر

مجرد راي

تحياتي

لية لا بدام كتابتها محترمة لو فى واحد بيفكر بالطريقة دى يبقى غلطان

هل تقبل الزواج من فتاه تكتب بالمنتديات؟؟؟

مستقبلك يتحدد علي قدر أمنياتك ومدي قدرتك علي تحقيق ما عجزت عن تحقيقه في الماضي