===================
خلاص مينفعش تقول لابنك دلوقتي العصفورة قالت لي وفتنت لي عليك
عصفورة إيه وهو بيفهم في الموبايل بتاعك أحسن منك وبيفهمك ف الكمبيوتر كمان لو عايز؟
ومينفعش تخوفه ب امنا الغوله وابو رجل مسلوخه
لأنه هايدخل على جوجل و يعمل سيرش وهيلاقي الموقع بيقول له: هجايص وأساطير عملوها الكبار ف القرن اللي فات عشان يخوفوا بيها العيال الزمن ده خللللللللص.
مينفعش تعاقبه بأنك تخليه يقوم من قدام فيلم بيحبه وبيتفرج عليه..
لأنه هايشوفه تاني يوم الصبح في الاعاده وإنت ف الشغل ويخليك زي قرطاس الجوافة بالظبط يا معلم.
------------------
عايز تعاقبه
نزل له فيروس على الجهاز بتاعه ودمر له الوندوز وقول له الجهاز مش ها يتفرمط ويتعمل له سيت أب من أول وجديد ألا لما يتعدل ويشوف مذاكرته و يبقى محترم كده وبنى آدم.
لما تعوز تدلعه وتكافاه على تفوقه
مينفعش تجيب له بندقية صيد وكوره وكتب م المكتبة الخضراء والجو القديم ده كله
تجيب له( دي اس ال) ا ميجا ان ليميتد هههههههههه
مينفعش لو أبنك سألك عن حاجه انت مش عارفها تألفله أى أجابة من دماغك
بعد يوم ولا اتنين هايعرف الإجابه الصحيحة م التليفزيون ولا النت وساعتها هيبقى منظرك عامل زي العدة الأريكسون اللى من ايام ابو جهل لما يسألك أقعد معاه ع النت كده ودور معاه ع الأجابة المظبوطة و بلاش قلة قيمة يا جدع ام ده جيييييييل
وأوعى تفهم الواد إن الرياضة هى أهلي وزمالك
لأنه دلوقتى عارف لعيبه ريال مدريد والأرسنال وبرشلونة وعارف أسعارهم كمان .
بلاش فضايح قدام الوااااااااااااد
وأذا طلب رأيك ف أكلة دليفرى م اللى بياكلوها الأيام دي
أوعى تقول له: يعنى أيه دى لأ خليك أب روش هز دماغك بألاطه وقول له.. حلوة طحن ياااض كنت باكلها وانا صغير
جيل ما يعلم بيه الا ربنا
[ندعوك للتسجيل في المنتدى أو التعريف بنفسك لمعاينة هذه الصورة]
الأحد أبريل 21, 2019 7:11 pm من طرف 
